Прыемнай нечаканасцю для замежных студэнтаў стала тое, што беларускі Дзед Мароз як сапраўдны паліглот вітаў ўсіх на розных мовах і дарыў падарункі. Падчас прагулкі па казачным маёнтку замежныя госці загадвалі жаданні, адказвалі на каверзныя пытанні чароўных правадыроў і вадзілі карагод каля 140-гадовай навагодняй елкі.
Дзелячыся сваімі эмоцыямі і ўражаннямі ад паездкі, студэнты адзначылі, што падобныя мерапрыемствы дазваляюць ім лепш даведацца адзін пра аднаго, пабываць у казцы і зноў вярнуцца ў бесклапотнае дзяцінства.