Разам з гродзенцамі на старт выйшлі сям'і супрацоўнікаў і выкладчыкаў Гродзенскага дзяржаўнага ўніверсітэта імя Янкі Купалы. Паміж сабой спаборнічалі вопытныя арыенціроўшчыкі, дзеці, якія маюць досвед удзелу ў спаборніцтвах, дарослыя-пачаткоўцы і хлопцы, якія ніколі не ўдзельнічалі ў падобных прабегах.

– Спаборніцтвы сталі завяршэннем сезону арыенціравання ў адыходзячым 2017 годзе, які быў напоўнены дзесяткамі цікавых чэмпіянатаў па спартыўным арыенціраванні, велаарыенціраванні і рагейну. У іх пастаянна прымалі ўдзел студэнты купалаўскага ўніверсітэта - члены клуба «Кронан», і займалі прызавыя месцы, - падзяліўся арганізатар спаборніцтваў, дацэнт кафедры спартыўных дысцыплін Эдвард Ародзь. - Падчас «Навагодняга старту» нашы спартсмены атрымалі зарад энергіі і бадзёрасці на будучы 2018 год. Спадзяюся, яны працягнуць свой удзел у спаборніцтвах у маючым адбыцца сезоне.

Таксама ў гэты дзень адбылося ўзнагароджанне прадстаўнікоў Гродзенскага ўніверсітэта ва ўпраўленні спорту і турызму Гродзенскага абласнога выканаўчага камітэта па выніках года. Так, граматай упраўлення быў адзначаны дацэнт кафедры спартыўных дысцыплін Эдвард Ародзь за ўклад у развіццё спорту і арыенціравання на Гродзеншчыне. Таксама Эдвард Станіслававіч разам з намеснікам дэкана факультэта фізічнай культуры Віталіем Тарасавым быў узнагароджаны падзячным лістом.

Граматы за высокія спартыўныя вынікі ўдастоена студэнтка факультэта фізічнай культуры Віялета Чуйкова. Нагадаем, што дзяўчына неаднаразова станавілася пераможцам і прызёрам чэмпіянатаў вобласці і краіны па велаарыенціравані і рагейну.

Падзячныя лісты ўпраўлення спорту і турызму атрымалі студэнты спецыяльнасці "Турызм і гасціннасць" факультэта гісторыі, камунікацыі і турызму за дапамогу ў арганізацыі спаборніцтваў па арыенціраванні, а таксама актыўны ўдзел у іх.