Месяцам раней першакурснікі прайшлі вучэбна-палявы збор, які дазволіў ім падрыхтавацца да галоўнай падзеі - прыняцця Ваеннай прысягі.

У гэты ўрачысты дзень да прысутных звярнуўся начальнік ваеннага факультэта Лявонцій Юр'евіч Паўлаў. «Гонар воіна - гэта выраз свядомасці ім сваёй годнасці і абавязку перад грамадствам. Прамаўляючы словы ваеннай прысягі, кожны вайсковец ускладае на сябе велізарную адказнасць, якую праносіць праз усё жыццё, - адзначыў Лявонцій Юр'евіч. - Выказваю цвёрдую ўпэўненасць у тым, што вы станеце годнымі прадаўжальнікамі слаўных традыцый афіцэрскага корпуса Рэспублікі Беларусь».

Сярод ганаровых гасцей, запрошаных на свята, прысутнічалі ветэран ВАВ, удзельнік Перамогі 1945 года ў Маскве, палкоўнік у адстаўцы Мікалай Васільевіч Кісялёў, намеснік начальніка Галоўнага ўпраўлення планавання і каардынацыі тылавога забеспячэння Міністэрства абароны палкоўнік Сяргей Антонавіч Горбач, начальнік рэчавага ўпраўлення Міністэрства абароны палкоўнік Вячаслаў Васільевіч Шыцікаў, начальнік харчовага ўпраўлення Міністэрства абароны палкоўнік Аляксандр Вячаслававіч Гардзюнін, намеснік старшыні дзяржаўнай установы «Спартыўны камітэт Узброеных Сіл Рэспублікі Беларусь» палкоўнік Яўген Іванавіч Гаўронік, выконваючы абавязкі камандуючага войскамі Заходняга аператыўнага камандавання палкоўнік Васіль Васільевіч Семяновіч, ваенны камісар ваеннага камісарыята Гродзенскага вобласці палкоўнік Вячаслаў Уладзіміравіч Раманенка, намеснік камандзіра 4 асобнага спецыяльнага міліцэйскага батальёна па ідэалагічнай працы падпалкоўнік Генадзь Уладзіміравіч Гаруноў, намеснік камандзіра Гродзенскай памежнай групы па матэрыяльна-тэхнічным забеспячэнні палкоўнік Аляксандр Барысавіч Давідзюк, выконваючы абавязкі камандзіра 6 асобнай гвардзейскай механізаванай брыгады гвардыі палкоўнік Алег Мікалаевіч Копыл, клірык Свята-Уладзімірскай царквы г. Гродна протаіерэй Аркадзь Касьяненка.

Ад шматлікіх гасцей са словамі на дарогу да курсантаў звярнуўся прарэктар ГрДУ імя Янкі Купалы, палкоўнік запасу Мікалай Іванавіч Войтка. Ад імя кіраўніцтва ўніверсітэта, рэктара Андрэя Дзмітрыевіча Караля, ён павіншаваў курсантаў з прыняццем прысягі і ўступленнем у ўніверсітэцкі калектыў і адзначыў, што на ваенным факультэце створаны ўсе ўмовы для добрай вучобы, удасканалення воінскага майстэрства, фізічнага развіцця.

Ад імя ўсіх курсантаў 1 курса выступіў Дзмітрый Забалотны. Ён падкрэсліў, што прыняцце ваеннай прысягі - падзея для кожнага хвалюючая і ўрачыстая. А таксама запэўніў кіраўніцтва ўніверсітэта, што яны, першакурснікі, будуць старацца ўмацоўваць згуртаванасць калектыву і браць прыклад са сваіх камандзіраў.

Пасля прыняцця прысягі адбыўся ўрачысты марш асабістага складу ваеннага факультэта. Таксама для гасцей урачыстасці выступіла рота Ганаровай варты.

Сваякі студэнтаў-першакурснікаў пабывалі на факультэце, дзе мелі магчымасць паглядзець фільм аб вучэбна-палявым зборы курсантаў і пагутарыць з кіраўніцтвам універсітэта і факультэта. Затым курсанты традыцыйна адправіліся ў першае звальненне.