Па традыцыі з прывітальным словам да студэнтаў, іх бацькам і гасцям сустрэчы звярнуўся рэктар Андрэй Кароль, які павіншаваў дзяцей з надыходзячым новым навучальным годам і Днём ведаў.

– Віншую вас з пачаткам новага этапу ў жыцці, - адзначыў Андрэй Дзмітрыевіч. - Параўноўвайце сябе, стварайце сваё, а не чужое, напаўняйце гэты свет сваім бачаннем і зместам, не адмаўляючы культурна-гістарычнай спадчыны. Падчас навучання ў купалаўскім універсітэце вы ўвесь час будзеце ставіць перад сабой новыя мэты і задачы, вы станеце дарослымі і мудрэй, у вас з'явяцца сапраўдныя сябры, якія стануць вашымі вернымі спадарожнікамі. Жадаю вам не страціць сябе, сваёй унікальнасці, не ператварыцца ў стандарт, бо галоўны вынік адукацыі - гэта пошук саміх сябе. Няхай навучанне ў ГрДУ імя Янкі Купалы запомніцца вам яркімі і радаснымі падзеямі на ўсё жыццё. Будзьце шчаслівыя, памятайце сваю alma mater, са святам!

Рэктар уручыў студэнцкія білеты лепшым першакурснікам - тым, хто па выніках цэнтралізаванага тэсціравання і ўступных выпрабаванняў паказаў высокія вынікі. Адзначым, што сярод гэтых юнакоў пераможцы розных этапаў рэспубліканскіх прадметных алімпіяд і выпускнікі, якія скончылі школы з залатымі або срэбнымі медалямі.

У рамках прысвячэння адбылася цырымонія перадачы сімвалічнага Студэнцкага білета і Ключа Ведаў студэнтам 1 курса Анастасіі Калясень і Аляксею Ліпневічу, якія набралі найбольшую колькасць балаў падчас уступнай кампаніі. Студэнт 3 курса юрыдычнага факультэта, член Каардынацыйнага студэнцкага савета Павел Сілявин і студэнтка 2 курса педагагічнага факультэта Ірына Саўлевіч павіншавалі рабят з паступленнем у Гродзенскі дзяржаўны ўніверсітэт імя Янкі Купалы:

– Вы зрабілі правільны выбар - выбар на карысць купалаўскага ўніверсітэта. Спадзяемся, што абраная вамі сцежка будзе паспяховай і прынясе вам перамогі. Удачы вам і поспехаў!

У сваю чаргу першакурснікі падзякавалі ўсім за пастаянную падтрымку падчас прыёмнай кампаніі і выказалі надзею на тое, што студэнцкае жыццё ў ГрДУ імя Янкі Купалы будзе насычаным. Маладыя людзі ад імя ўсіх студэнтаў 1 курса паабяцалі з гонарам  несці годнае званне «Студэнт-купалавец».

Завяршылася ўрачыстая цырымонія клятвай першакурснікаў. Яны пакляліся з годнасцю несці званне студэнта Гродзенскага дзяржаўнага ўніверсітэта імя Янкі Купалы, не шкадаваць сіл і часу на зразуменне ўсіх навук, быць годнымі пераемнікамі традыцый беларускага студэнцтва, ва ўсім выступаць узорам сумленнасці, высакароднасці, працавітасці і дысцыпліны, актыўна ўдзельнічаць у грамадскай, навуковай і культурным жыцці роднай alma mater, атрыманыя веды накіроўваць на ўмацаванне магутнасці і росквіту Рэспублікі Беларусь і быць годнымі грамадзянамі нашай краіны.