Яе трэнерам ўжо на працягу многіх гадоў з'яўляецца загадчык кафедры спартыўных гульняў факультэта фізічнай культуры ГрДУ імя Янкі Купалы Аляксандр Бардзін. На ўрачыстым ушанаванні трэнер і яго выхаванка былі ўзнагароджаны граматамі Міністэрства спорту і турызму Рэспублікі Беларусь за значны асабісты ўклад у развіццё фізічнай культуры і спорту і паспяховы выступ нацыянальнай каманды Рэспублікі Беларусь па самба на чэмпіянаце Еўропы.
Віншуючы спартсменаў, трэнераў, работнікаў федэрацыі і Рэспубліканскага цэнтра алімпійскай падрыхтоўкі «Стайкі», Міністр спорту і турызму Рэспублікі Беларусь падзякаваў усім за напружаную працу, высокую самааддачу і добры вынік. Аляксандр Шамко адзначыў, што дзяржава ў першую чаргу ўкладвае сродкі ў развіццё і падтрымку алімпійскіх відаў спорту і знаходзіць магчымасці і для падтрымання тых відаў, у якіх беларускія спартсмены традыцыйна моцныя. Самба - у іх ліку.