На базе факультэта фізічнай культуры Гродзенскага дзяржаўнага ўніверсітэта імя Янкі Купалы 6 мая 2017 году адбудуцца фінальныя мерапрыемствы грамадзянска-патрыятычнага марафона «Разам - за моцную і квітнеючую Беларусь». Пачатак у 11.00 па адрасе: вул. Захарава, 32.

Удзельнікі - студэнты і навучэнцы каледжаў і школ горада - пройдуць ваенна-спартыўную эстафету, а каманды-сем'і, якія ўдзельнічалі ў конкурсе «Тата, мама, я - спартыўная сям'я», - камбінаваную эстафету.

Нагадаем, што ў Гродзенскім дзяржаўным універсітэце імя Янкі Купалы ў перыяд з 22 лютага па 6 мая праводзіўся грамадзянска-патрыятычны марафон «Разам - за моцную і квітнеючую Беларусь». У рамках яго студэнты нашай ВНУ, навучэнцы Гуманітарнага і Тэхналагічнага каледжаў, а таксама вучні школ Кастрычніцкага і Ленінскага раёнаў г. Гродна прымалі ўдзел у чатырох цыклах мерапрыемстваў і дэманстравалі свае творчыя, спартыўныя і інтэлектуальныя здольнасці.