У рамках праекта «Спартыўны поспех» баскетбалісты «Прынямонне-ГрДУ» распавялі пра свае трэніроўкі, падрыхтоўку да рэспубліканскіх спаборніцтваў, а таксама прадэманстравалі тактычныя прыёмы вядзення гульні, паказалі тэхніку вядзення мяча, здзяйснення кідкоў.Трэнерам каманды з'яўляецца старшы выкладчык кафедры фізічнага выхавання і спорту факультэта фізічнай культуры Віталій Маклакоў.
Нагадаем, што праект «Спартыўны поспех» стартаваў у ГрДУ імя Янкі Купалы ў 2016 годзе і будзе рэалізоўвацца да 2020 года. Праект накіраваны на развіццё ў студэнцкай моладзі ўстойлівых матывацыйна-каштоўнасных арыентацый на высокія спартыўныя дасягненні. Яго кіраўнік - начальнік спартыўнага клуба Кірыл Акуліч.
Удзельнікамі праекта з'яўляюцца не толькі студэнты, магістранты і аспіранты, але і работнікі ўніверсітэта, запрошаныя спартсмены Гродна, навучэнцы ўстаноў сярэдняй адукацыі горада і вобласці.
У рамках «Спартыўных поспехаў» праводзяцца сустрэчы з выдатнымі спартсменамі для абмену вопытам у дасягненні высокіх спартыўных вынікаў, спартыўна-масавыя мерапрыемствы, спаборніцтвы, турпаходы, велапрабегі і майстар-класы ад студэнтаў купалаўскага ўніверсітэта, якія маюць высокія спартыўныя поспехі.
