Кантрольныя нарматывы па фізічнай падрыхтоўцы здавалі прадстаўнікі факультэта фізічнай культуры, спартыўнага клуба, упраўлення выхаваўчай работы з моладдзю, Інстытута павышэння кваліфікацыі і перападрыхтоўкі кадраў, Тэхналагічнага каледжа ГрДУ імя Янкі Купалы, студэнцкага гарадка і аддзела аховы.

Супрацоўнікі і выкладчыкі скакалі ў даўжыню з месца, нахіляліся наперад, ўздымалі цела са становішча лежачы на спіне на працягу 60 секунд, падцягваліся на высокай перакладзіне. Таксама ў праграме быў бег на 30 м, за 1 500 м, 3 000 м, чаўночны бег 4х9 м і бег на 6 хвілін.

Паспяхова ўсе нарматывы ўзроўню фізічнай падрыхтоўкі сярод мужчын выканалі інструктар па фізічнай культуры сектара ідэалагічнай і выхаваўчай працы студэнцкага гарадка Дзмітрый Брычак і старшы выкладчык кафедры фізічнага выхавання і спорту Аляксандр Багурын. Сярод жанчын - старшы выкладчык кафедры спартыўных дысцыплін Кацярына Бародзіч, старшы выкладчык кафедры спартыўных гульняў Вольга Паўлюць і вядучы спецыяліст аддзела арганізацыйнага забеспячэння ідэалагічнай і выхаваўчай работы УВРсМ Кацярына Шыкеля.

Нагадаем, што мерапрыемствы праходзілі па ўсёй Беларусі, былі зацверджаны  Пастановай  Міністэрства спорту і турызму Рэспублікі Беларусь і накіраваны на развіццё фізічнай культуры і спорту, аздараўленне і фізічнае выхаванне насельніцтва, фарміраванне здаровага ладу жыцця.