Спаборніцтва аб'яднала прадстаўнікоў вядучых рэгіянальных вышэйшых навучальных устаноў Расіі і Беларусі. Сярод удзельнікаў - студэнткі спецыяльнасці «Транспартная лагістыка» факультэта інавацыйных тэхналогій машынабудавання Гродзенскага дзяржаўнага ўніверсітэта імя Янкі Купалы Ганна Петравец і Аліна Аляхновіч.

Праца алімпіяды была арганізавана ў два туры. Першы этап праводзіўся ў выглядзе тэсціравання па функцыянальных абласцях лагістыкі, якое было складзена ў адпаведнасці з патрабаваннямі Еўрапейскай лагістычнай асацыяцыі (ELA) і Еўрапейскага сертыфікацыйнага камітэта па лагістыцы (ECBL). Падчас другога тура канкурсанты вырашалі комплексныя задачы па праектаванні сеткі размеркавання кампаніі.

– На завяршальным этапе нам неабходна было вызначыць наменклатурную групу тавараў, аптымальную стратэгію кіравання запасамі, выбраць найбольш пераважнага пастаўшчыка і сфармаваць схемы развозкі тавараў са склада ў рознічную гандлёвую сетку, - падзяліліся студэнткі.

Па выніках алімпіяды каманда дзяўчат факультэта інавацыйных тэхналогій машынабудавання купалаўскага ўніверсітэта заняла другое месца, а ў асабістых выступах студэнтка Ганна Петравец стала першай.

З усімі навінамі факультэта інавацыйных тэхналогій машынабудавання можна азнаёміцца   тут.