У рамках апошняга студэнтам купалаўскага ўніверсітэта, навучэнцам каледжаў і школьнікам горада неабходна было праявіць свае творчыя здольнасці і стварыць цікавыя працы для дзяцей. Удзельнікі прадставілі мяккія цацкі, карціны, выкананыя ў розных тэхніках, тапіарыі, ўпрыгажванні для дома з паперы, скуры і іншых матэрыялаў, а таксама міні-скульптуры.

Адзначым, што ўсе працы, прадстаўленыя студэнтамі, будуць выкарыстаны падчас дабрачынных акцый і мерапрыемстваў. А сродкі, атрыманыя ад іх рэалізацыі, накіраваны ў дзіцячыя дамы і інтэрнаты і на дапамогу ў лячэнні хворых дзяцей.

Пры ацэнцы вырабаў журы ўлічвала арыгінальнасць задумы, мастацкі і эстэтычны ўзровень твора, творчую індывідуальнасць, тэхніку і якасць выканання.

Найбольш арыгінальнымі працамі, на думку судзейскай камісіі, былі вырабы, якія прадстаўлены навучэнцамі Тэхналагічнага каледжа ГрДУ імя Янкі Купалы. Другое месца падзялілі студэнты факультэта мастацтваў і дызайну і факультэта гісторыі, камунікацыі і турызму. Трэцяе ў школьнікаў Кастрычніцкага раёна г. Гродна.

Па выніках усяго цыклу мерапрыемстваў па выхаванні адказнага стаўлення да сям'і «Разам - у абарону жыцця, маральнасці і сямейных каштоўнасцяў» першае месца займае факультэт мастацтваў і дызайну. Другое - школьнікі Ленінскага раёна г. Гродна, трэцяе - Тэхналагічны каледж ГрДУ імя Янкі Купалы.

Нагадаем, што ўжо завяршыўся першы цыкл марафону - цыкл інтэлектуальных мерапрыемстваў «Мы - нашчадкі Перамогі». Даведацца пра яго пераможцаў можна  па спасылцы.

У цяперашні час удзельнікі праяўляюць сябе ў цыкле творчых мерапрыемстваў «Моладзь. Ініцыятыва. Будучыня». Наперадзе ў студэнтаў, навучэнцаў каледжаў і школьнікаў Гродна ваенна-спартыўныя выпрабаванні і турыстычны злёт. Асобна будуць змагацца сем'і супрацоўнікаў універсітэта і каледжаў ў конкурсе «Тата, мама, я - спартыўная сям'я».