Выпускнікі профільных класаў педагагічнай накіраванасці, якія паступаюць на спецыяльнасці педагагічнага профілю, могуць падаць дакументы з 12 па 14 ліпеня.

З 18 ліпеня пачнуцца ўступныя выпрабаванні, якія праводзяцца непасрэдна ва ўстановах адукацыі. Па 21 ліпеня такія выпрабаванні пройдуць у Акадэміі МУС, Магілёўскім інстытуце МУС, Універсітэце грамадзянскай абароны МНС; па 26 ліпеня - у Беларускай дзяржаўнай акадэміі мастацтваў, Беларускай дзяржаўнай акадэміі музыкі, Беларускім дзяржаўным універсітэце культуры і мастацтваў; па 24 ліпеня - у іншых ўстановы вышэйшай адукацыі. Уступныя іспыты ва ўніверсітэты і акадэміі сельгаспрофілю пройдуць з 18 па 25 ліпеня (вочная форма) і з 6 па 15 снежня (завочная форма).

Пастановай таксама вызначаны тэрміны залічэння абітурыентаў і дадатковага набору ў дзяржаўныя ўстановы вышэйшай адукацыі на месцы, якія вызначаны кантрольнымі лічбамі прыёму і тыя, што засталіся вакантнымі пасля залічэння абітурыентаў. Акрамя таго, устаноўлены тэрміны ўступнай кампаніі для замежных грамадзян і асоб без грамадзянства, а таксама для грамадзян Украіны і асоб без грамадзянства, якія пражывалі на тэрыторыі Данецкай і Луганскай абласцей Украіны і якія прыбылі ў Беларусь для атрымання дазволаў на часовае або пастаяннае пражыванне.

Па матэрыялах інфармацыйнага агенцтва БелТА