Арганізацыйны сход агульнаўніверсітэцкага студэнцкага дыскусійнага клуба «Новае пакаленне» адбудзецца 9 лютага 2017 года ў Гродзенскім дзяржаўным ўніверсітэце імя Янкі Купалы.

Удзельнікі дыскусійнага клуба змогуць абмяркоўваць актуальныя грамадска-палітычныя, сацыяльна-эканамічныя, культурна-светапоглядныя праблемы; разглядаць пытанні месца і ролі моладзі ў сучасным грамадстве, змест моладзевых каштоўнасцяў і арыентацый, моладзевых субкультур; перспектывы ўкаранення IT-тэхналогій у навукова-адукацыйнае асяроддзе і грамадства ў цэлым. Акрамя гэтага, члены клуба сустрэнуцца з прадстаўнікамі навуковай эліты купалаўскага ўніверсітэта, а таксама іншых айчынных і замежных акадэмічных супольнасцяў, прафесійнымі дзеячамі культуры і адукацыі, прадстаўнікамі адміністрацыі нашай alma mater і горада.

Клуб накіраваны на развіццё светапогляднага, інтэлектуальнага і дзелавога патэнцыялу студэнтаў, стварэнне асяроддзя навукова-культурных зносін для ажыццяўлення незалежнага, аб'ектыўнага навуковага аналізу палітычных, эканамічных і сацыяльных падзей у Беларусі і свеце.

Кіраўніком агульнаўніверсітэцкага дыскусійнага клуба «Новае пакаленне» з'яўляецца намеснік дэкана педагагічнага факультэта па навуцы, дацэнт кафедры філасофіі Сняжана Семярнік.

Першая сустрэча адбудзецца ў 17.30 у галоўным корпусе ўніверсітэта па адрасе: вул. Э. Ажэшка, 22, аўд. 209.

Запрашаюцца ўсе жадаючыя!

Кантакты

Тэл.: 75-50-42 (кафедра філасофіі)

E-mail: kaf_filosof@grsu.by, semernik@grsu.by