Па традыцыі з прывітальным словам выступіла дэкан факультэта Святлана Чабуранава.

- Студэнцкая жыццё насычанае. Таму студэнт-юрыст падчас навучання павінен паспяваць усё: добра вучыцца, прымаць удзел у грамадскім жыцці факультэта і ўніверсітэта, актыўна займацца навукова-даследчай дзейнасцю, - выступаючы перад аўдыторыяй, адзначыла Святлана Ягораўна. - На юрыдычным факультэце існуюць вельмі добрыя традыцыі актыўнага ўдзелу студэнтаў у навуковых мерапрыемствах. Нашы студэнты паспяхова выступаюць на розных навуковых конкурсах і канферэнцыях. Гэта ўплывае на выбар іх далейшага шляху: паступленне ў магістратуру і аспірантуру. Універсітэт дае магчымасць для самарэалізацыі, і яе нельга выпускаць. Нехта ў ГрДУ імя Янкі Купалы знойдзе сябе ў спорце, хтосьці стане сябрам добраахвотнай студэнцкай дружыны, а нехта будзе займацца навукова-даследчай дзейнасцю. Мы будзем рады бачыць усіх у ліку членаў Студэнцкага навуковага таварыства.

Вячаслаў Бекета распавёў аб дзейнасці Нацыянальнага цэнтра прававой інфармацыі Рэспублікі Беларусь (НЦПІ), яго задачах, функцыях, структуры. Асаблівую ўвагу госць надаў пытанням афіцыйнага апублікавання прававых актаў на Нацыянальным прававым інтэрнэт-партале Рэспублікі Беларусь, ідэнтычнасці тэкстаў прававых актаў, апублікаваных на партале і ў зборніку прававых актаў «Нацыянальны рэестр прававых актаў Рэспублікі Беларусь». Вячаслаў Мечыслававіч пазнаёміў купалаўцаў з магчымасцямі Нацыянальнага прававога інтэрнэт-партала, якія адпавядаюць сусветным тэндэнцыям развіцця інфармацыйных тэхналогій у галіне права.

- Хацелася б адзначыць, што будучыя юрысты ў вучэбнай, навуковай і ў далейшай прафесійнай дзейнасці павінны выкарыстоўваць толькі афіцыйныя крыніцы прававой інфармацыі, - завяршаючы выступленне, падкрэсліў Вячаслаў Бекета.

Таксама перад першакурснікамі выступілі намеснік дэкана юрыдычнага факультэта Таццяна Хацяневіч, старшыня СНА юрыдычнага факультэта Эмілія Шуляк, студэнтка 3 курса - актыўны ўдзельнік міжнародных і рэспубліканскіх навуковых канферэнцый і конкурсаў Вікторыя Юркевіч, спецыяліст па працы з замежнымі студэнтамі і акадэмічнай мабільнасці цэнтра інтэрнацыяналізацыі адукацыі Аляксей Апуневвіч і галоўны бібліятэкар навуковай бібліятэкі ГрДУ імя Янкі Купалы Вера Глінская.

Так, студэнты-першакурснікі даведаліся аб навукова-даследчай рабоце на юрыдычным факультэце, уплыве актыўнага ўдзелу ў працы СНК пры кафедрах факультэта на стартавыя пазіцыі ў выбудоўванні персанальнай кар'ернай траекторыі, навошта студэнту прымаць удзел у канферэнцыях. Акрамя таго, купалаўцам распавялі пра магчымасці ўдзелу ў акадэмічнай мабільнасці для правядзення навуковых даследаванняў. Асобная ўвага была нададзена такім пытанням як значнасць і неабходнасць выкарыстання рэсурсаў афіцыйнай, дакладнай i актуальнай прававой інфармацыі ў навукова-даследчай працы, магчымасцях навуковай бібліятэкі купалаўскага ўніверсітэта для развіцця студэнцкай навукі.

- У 2016 годзе студэнты прынялі ўдзел больш чым у 30 канферэнцыях, якія праходзілі ў Рэспубліцы Беларусь (Беларускі дзяржаўны ўніверсітэт, Беларускі дзяржаўны эканамічны ўніверсітэт, Акадэмія кіравання пры Прэзідэнце Рэспублікі Беларусь, Ваенная акадэмія Рэспублікі Беларусь, МІПСА, Брэсцкі дзяржаўны ўніверсітэт імя А.С. Пушкін і інш), а таксама ў замежных універсітэтах, -. дадала студэнтка 3 курса Вікторыя Юркевіч. - Удзел у канферэнцыі - гэта заўсёды абмен інфармацыяй, думкамі, ідэямі, атрыманне новых ведаў, усталяванне прафесійных кантактаў.

Актуальныя і арыгінальныя, насычаныя ўражаннямі аб студэнцкім навуковым жыцці прэзентацыі студэнцкіх навуковых гурткоў, якія функцыянуюць пры кафедрах факультэта, прадставілі іх старшыні: Дзіяна Сімончык, Анастасія Агеенка, Аніта Круталевіч, Кацярына Фучэджы, Валерыя Шот і Наталля Філон.

На мерапрыемстве дэкан юрыдычнага факультэта Святлана Чабуранава ўручыла студэнтам старэйшых курсаў, якія дасягнулі высокіх вынікаў у навукова-даследчай працы, і выпускнікам юрыдычнага факультэта - прызёрам Рэспубліканскага конкурсу навуковых работ студэнтаў, дыпломы і граматы.

- Такія мерапрыемствы матывуюць студэнтаў удзельнічаць у навуковай дзейнасці, семінарах і канферэнцыях, а таксама працаваць у навуковых гуртках пры кафедрах факультэта, - падзялілася старшыня Студэнцкага навуковага таварыства юрыдычнага факультэта Шуляк Эмілія.

Дарэчы, на факультэце ў далейшым плануюць праводзіць падобныя мерапрыемствы.

З усімі навінамі юрыдычнага факультэта можна азнаёмицца тут.