Павітаў навукоўцаў прарэктар па навуковай працы нашага ўніверсітэта Уладзімір Барсукоў, які адзначыў неабходнасць правядзення падобных навуковых сустрэч і пажадаў удзельнікам плённай працы падчас канферэнцыі.

На пленарным пасяджэнні перад аўдыторыяй выступілі навукоўцы нашага ўніверсітэта, Беларускай дзяржаўнай акадэміі мастацтваў, Беларускага дзяржаўнага ўніверсітэта культуры і мастацтваў, Магілёўскага дзяржаўнага ўніверсітэта імя А.А. Куляшова, Маскоўскага дзяржаўнага ўніверсітэта імя М.В. Ламаносава і Універсітэта імя Адама Міцкевіча ў Познані. Удзельнікі гаварылі аб разнастайнасці культур у сучасным свеце і глабалізацыі, эстэтыцы і тэорыі мастацтва, праблемах і перспектывах сучаснага культурнага развіцця ў Беларусі і Расіі, закранулі аспекты якаснага вымярэння вынікаў мастацкай адукацыі і педагагічнае праектаванне і канструяванне на аснове мадэлі метаду «Музычных аналогій і імправізацыйнай кампазіцыі».

Працягнулася канферэнцыя секцыйнымі паседжаннямі, увага якіх была засяроджана вакол тэарэтычных і метадалагічных праблем вывучэння сусветнай мастацкай культуры, музыкі ў кантэксце сучаснай культуры, пытанняў метадалогіі і методыкі музычнай адукацыі, выяўленчага мастацтва і праблем сучаснага культурнага развіцця, а таксама тэарэтычных і практычных аспектах фарміравання дызайнера.

Завяршылася навуковае мерапрыемства круглым сталом, дзе навукоўцы падвялі вынікі работы канферэнцыі і вызначылі лепшыя навуковыя даклады, прадстаўленыя ўдзельнікамі.

З усімі навінамі факультэта мастацтваў і дызайну можна азнаёміцца тут.