Зарэгістравацца на РТ можна пры наяўнасці пашпарта і квітанцыі аб аплаце па адрасах: г. Гродна, вул. Кастрычніцкая, 5, аўд. 110; г. Ліда, вул. Кірава, 20, каб. 409. Акрамя таго, для ўдзелу ў рэпетыцыйным тэсціраванні ў г. Гродна, г. Ліда, г. Шчучын і г. Ваўкавыск можна прайсці рэгістрацыю online.

- У працэсе рэгістрацыі кожны абітурыент можа атрымаць інфармацыю і кансультацыю па пытаннях ўдзелу ў цэнтралізаваным тэсціраванні, аб правілах прыёму ва ўстановы вышэйшай і сярэдняй спецыяльнай адукацыі, аб парадку прыёму ў Гродзенскі дзяржаўны ўніверсітэт імя Янкі Купалы, - адзначаюць работнікі Рэгіянальнага цэнтра тэсціравання і прафесійнай арыентацыі моладзі, - Дарэчы, абітурыенты, якія ўдзельнічалі ва ўсіх трох этапах рэпетыцыйнага тэсціравання, на цэнтралізаваным тэсціраванні маюць вынікі ў сярэднім на 15-20% вышэй у параўнанні з іншымі ўдзельнікамі.

Першы этап рэпетыцыйнага тэсціравання пройдзе ў г. Гродна і ва ўсіх раённых цэнтрах Гродзенскай вобласці ў перыяд з 27 кастрычніка па 1 лістапада 2016 года.

Поўную інфармацыю па пытаннях РТ можна атрымаць у Рэгіянальным цэнтры тэсціравання і прафесійнай арыентацыі моладзі факультэта даўніверсітэцкай падрыхтоўкі па адрасе: г. Гродна, вул. Кастрычніцкая, 5, аўд. 101, тэл.: 8 (0152) 74-14-86, 73-01-01, e-mail: ctest@grsu.by.