Выпускнікі ўспомнілі свае нялёгкія, але вельмі цікавыя і вясёлыя студэнцкія гады: вучоба, паходы ў кіно, экскурсіі, студэнцкія капуснікі, жыццё ў інтэрнаце.

Намеснік дэкана факультэта па ідэалагічнай і выхаваўчай працы Алена Мікалаеўна Лапкоўская для гасцей арганізавала экскурсію ў Музей гісторыі ГрДУ імя Янкі Купалы. Таксама яны наведалі аўдыторыю імя Д.С. Маркоўскага і дом-музей Элізы Ажэшкі.

Пазней выпускнікоў сустрэлі студэнты і выкладчыкі педагагічнага факультэта: купалаўцы падрыхтавалі для юбіляраў насычаную канцэртную праграму.

У канцы сустрэчы выпускнікі выступілі са словам у адказ і распавялі пра сваю шматгадовую педагагічную і грамадскую дзейнасць, аб адданасці абранай прафесіі - настаўнік пачатковых класаў. Студэнты з вуснаў гасцей неаднаразова чулі словы  ўдзячнасці Гродзенскаму дзяржаўнаму ўніверсітэту імя Янкі Купалы і Рэспубліцы Беларусь.

З усімі навінамі педагагічнага факультэта можна азнаёміцца тут.