Круглы стол «Павышэнне міжнароднай пазнавальнасці ВНУ Казахстана» з удзелам рэгіянальнага дырэктара па Усходняй Еўропе і Цэнтральнай Азіі міжнароднага рэйтынгавага агенцтва QS World University Rankings Зоі Зайцавай 23 верасня сабраў у г. Алма-Аты рэктараў казахстанскіх ВНУ і прадстаўнікоў навукова-адукацыйнай грамадскасці.Па запрашэнні рэктара Казахскага нацыянальнага ўніверсітэта імя аль-Фарабі ў сустрэчы прыняла ўдзел дэлегацыя Гродзенскага дзяржаўнага ўніверсітэта імя Янкі Купалы ў складзе прарэктара па вучэбнай рабоце Генадзя Аляксеевіча Гачко, загадчыка кафедры журналістыкі Тамары Анатольеўны Піваварчык і начальніка аддзела міжнароднага супрацоўніцтва Вольгі Вітальеўны Мінавай.
У ходзе круглага стала абмяркоўваліся пытанні павышэння міжнароднай пазнавальнасці ўніверсітэтаў пры дапамозе інструментаў рэйтынгу QS World University Rankings. У прыватнасці, удзельнікі сустрэчы адзначылі, што за апошнія пяць гадоў казахстанскія ВНУ актыўна прасунуліся ў сусветных рэйтынгавых сістэмах. Да прыкладу, КазНУ імя аль-Фарабі ў рэйтынгу QS першым сярод ВНУ Цэнтральны Азіі увайшоў у топ-250 лепшых універсітэтаў свету, заняўшы 236 месца. У гэтую групу таксама ўвайшла яшчэ адна ВНУ СНД - Маскоўскі дзяржаўны ўніверсітэт імя М.В. Ламаносава.
- На сустрэчы была дасягнутая дамоўленасць правесці дыстанцыйны навучальны семінар па прасоўванні купалаўскага ўніверсітэта ў міжнародным рэйтынгу QS, - распавёў прарэктар па вучэбнай працы Генадзій Аляксеевіч Гачко.
У рамках візіту дэлегацыя ГрДУ імя Янкі Купалы правяла перамовы з кіраўніцтвам найбуйнейшых універсітэтаў Казахстана, сярод якіх Казахскі нацыянальны ўніверсітэт імя аль-Фарабі, Еўразійскі нацыянальны ўніверсітэт імя Л.Н. Гумілёва, Казахскі нацыянальны педагагічны ўніверсітэт імя Абая, Казахская акадэмія спорту і турызму.
Казахскі бок праявіў цікавасць да пашырэння акадэмічнай мабільнасці студэнтаў на парытэтнай аснове, да праграмы «Запрошаны прафесар», да арганізацыі стажыровак для магістрантаў і дактарантаў, да падрыхтоўкі магістрантаў па праграме «Адукацыйны менеджмент» і да Летняй школы рускай мовы, якая другі год запар мае поспех сярод замежнікаў.
Даведка
QS World University Rankings – міжнародны рэйтынг лепшых універсітэтаў. У рэйтынгу QS вышэйшыя навучальныя ўстановы свету ацэньваюцца па шасці крытэрам: аўтарытэтнасці ў галіне навуковых даследаванняў, суадносіны прафесарска-выкладчыцкага складу да ліку студэнтаў, рэпутацыі ВНУ сярод працадаўцаў, індэкса цытуемасці навуковых публікацый, долі замежных студэнтаў і долі замежных выкладчыкаў.
- Делегация ГрГУ имени Янки Купалы по приглашению ректора Казахского национального университета имени аль-Фараби приняла участие в круглом столе «Повышение международной узнаваемости вузов Казахстана»
- Круглый стол «Повышение международной узнаваемости вузов Казахстана» прошел с участием регионального директора по Восточной Европе и Центральной Азии международного рейтингового агентства QS World University Rankings Зои Зайцевой в г. Алма-Аты
- Международный форум собрал в КазНУ имени аль-Фараби ректоров казахстанских вузов и представителей научно-образовательной общественности
- Во время визита в Казахстан делегация ГрГУ имени Янки Купалы встретилась с руководством казахской академии спорта и туризма
- На встрече с руководством Казахской академии спорта и туризма обсуждались вопросы расширения взаимодействия между двумя вузами
- Также делегация ГрГУ имени Янки Купалы встретилась с руководством Казахского национального педагогического университета имени Абая
- По традиции стороны сделали фото на память в конце встречи