Павітаў прысутных рэктар нашага ўніверсітэта Андрэй Дзмітрыевіч Кароль. У відэазвароце да шматлікай аўдыторыі ён адзначыў неабходнасць і актуальнасць электроннага навукова-метадычнага часопіса «Университет образовательных инноваций» для педагогаў Гродзенскай вобласці.

Пра супрацоўніцтва Гродзенскага дзяржаўнага ўніверсітэта імя Янкі Купалы і ўпраўлення адукацыі па разнастайным напрамкам расказала намеснік начальніка ўпраўлення адукацыі Гродзенскага абласнога выканаўчага камітэта Галіна Уладзіміраўна Курганская.

– Мы вельмі цесна ўзаемадзейнічаем у падрыхтоўцы нашых выпускнікоў да ЦТ і рэспубліканскім алімпіяд па прадметах школьнай праграмы, сумесна рэалізуем праграму па павышэнню прэстыжу педагагічнай прафесіі і падрыхтоўкі кваліфікаваных педагагічных кадраў, - адзначыла Галіна Уладзіміраўна. - Наша супрацоўніцтва дало шмат пладоў. Так, шмат у чым дзякуючы выкладчыкам купалаўскага ўніверсітэта Гродзенская вобласць выйшла ў лідары па выніках цэнтралізаванага тэсціравання - 2016, а таксама стала другой па выніках прадметных алімпіяд. Акрамя таго, мы актыўна супрацоўнічаем у межах адукацыйнага педагагічнага кластара, які аб'яднаў усе наш ідэі.

Адной з іх і стаў электронны навукова-метадычны часопіс «Университет образовательных инноваций», ідэйным натхняльнікам якога выступіў рэктар нашай alma mater Андрэй Дзмітрыевіч Кароль. Прадставіў электроннае выданне загадчык лабараторыі адукацыйных інавацый вучэбна-метадычнага ўпраўлення Алег Уладзіміравіч Каляга.

– Электронны навукова-метадычны часопіс «Университет образовательных инноваций» ствараўся на працягу года і пазіцыянуецца як пляцоўка для дыялогу выкладчыкаў вышэйшых навучальных устаноў, настаўнікаў школ і для размяшчэння матэрыялаў, якія прадастаўляюць студэнты, - падкрэсліў Алег Уладзіміравіч. - Выданне ўключана ў дзяржаўны рэестр інфармацыйных рэсурсаў і мае сведчанне ад 12 красавіка 2016 года.

Асноўная мэта стварэння часопіса - садзейнічанне ў фарміраванні і ўдасканаленні сучаснага педагога, які валодае інавацыйнымі адукацыйнымі тэхналогіямі, здольнага арганізаваць адукацыйны працэс у адпаведнасці з тэндэнцыямі развіцця інфармацыйнага грамадства і індывідуальнымі патрэбамі навучэнцаў. Мэтавая аўдыторыя - педагогі, аспіранты, студэнты і шырокае кола чытачоў, якія цікавяцца праблемамі развіцця сучасных педагагічных інавацый.

Інавацыйнасць выдання заключаецца ў яго змесце, якое складаецца з трох блокаў. Гэта форум, яго задача - абмеркаванне актуальных пытанняў сучаснай адукацыі; так званая «педагагічная майстэрня», якая змяшчае арыгінальныя вынікі даследаванняў, аўтарскія методыкі і распрацоўкі заняткаў з выкарыстанне адукацыйных інавацый і іх абмеркаванне; «студэнцкі погляд», дзе прадстаўлены публікацыі рэфлексіі навучэнцаў, іх пункту гледжання і адукацыйныя прадукты, створаныя ў працэсе вучэбнай дзейнасці.

Першы нумар часопіса выйшаў у верасні і ўключае 10 матэрыялаў, сярод якіх два - школьных педагогаў. З публікацыямі можна пазнаёміцца на сайце выдання euryedu.grsu.by, а таксамапакінуць да іх каментары, зайсці пад асабістым лагінам і паролем.

Загадчык лабараторыі адукацыйных інавацый вучэбна-метадычнага ўпраўлення Алег Уладзіміравіч Каляга заклікаў аўдыторыю прымаць удзел у напаўненні электроннага выдання.

Прадоўжыўся семінар выступленнем запрошаных гасцей. Аб мабільным інфармацыйна-камунікацыйным адукацыйным асяроддзі рэгіёна распавяла прарэктар па навукова-метадычнай рабоце Гродзенскага абласнога інстытута развіцця адукацыі Вольга Генадзьеўна Пішчык. З інавацыйнай дзейнасцю ў адукацыйнай прасторы ліцэя пазнаёміў дырэктар Ліцэя № 1, намеснік галоўнага рэдактара электроннага навукова-метадычнага часопіса «Университет образовательных инноваций» Ігар Сяргеевіч Маслаў.

У завяршэнні сустрэчы настаўнік-метадыст Васілішкаўскай сярэдняй школы Шчучынскага раёна Святлана Антонаўна Ханько прадставіла вопыт выкарыстання мабільных прылад пры правядзенні ўрокаў у пачатковых класах і правяла майстар-клас «Мабільнае навучанне школьнікаў ва ўмовах адкрытага адукацыйнага асяроддзя».