З прывітальным словам да ўдзельнікаў навуковага мерапрыемства звярнулася першы прарэктар ГрДУ імя Янкі Купалы Ірына Фёдараўна Кітурка.

– Сення наш універсітэт стаў навуковай пляцоўкай, дзе сабралася прадстаўнічае сузор’е тых, хто шчыра шануе слова, любіць філалогію і аддае ей ўсе свае жыццё, – адзначыла Ірына Фёдараўна. – Менавіта праз філалогію можна далучыцца да вялікага, а праз літаратуру – выхаваць самога сябе.

Першы прарэктар пажадала гасцям мерапрыемства поспехаў, плённай працы, новых навуковых кантактаў і выказала надзею на тое, што навукоўцы сустрэнуцца на канферэнцыі ў сценах нашай alma mater у 2018 годзе.

Словы падзякі ў адрас вучоных за ўдзел у канферэнцыі прагучалі і ад дэкана філалагічнага факультэта Іны Самсонаўны Лісоўскай.

Адкрыла канферэнцыю загадчык кафедры рускай і замежнай літаратуры філалагічнага факультэта Таццяна Яўгеньеўна Аўтуховіч.

Сёння на пленарным пасяджэнні выступаюць навукоўцы-філолагі і літаратуразнаўцы. Іх даклады прысвечаны жанравай рэпрэзентацыі часу ў сусветнай паэзіі, «хуткага» і «павольнага» вершам у гісторыі рускай паэзіі, спыненага часу і часу чакання пераменаў у беларускай паэзіі пачатку XXI стагоддзя, вечнага і сучаснага ў паэзіі Яўгенія Шашоліна, тэатралізацыі смерці, літаратурнаму дыялогу Карамзіна і Платона, асаблівасцям праявы і ўспрымання часу ў матыве «рускі чалавек на rendez-vouz» і пераасэнсавання ладу смерці ў хрысціянскай культуры XIV-XV стст.».

Заўтра, 20 верасня, удзельнікі канферэнцыі прадставяць вынікі сваіх навуковых даследаванняў на секцыйных пасяджэннях, дзе разгледзяць шэраг пытанняў: культурныя і нацыянальныя мадэлі часу і іх адлюстраванне ў літаратуры і мове; катэгорыі вечнасць-гісторыя-штодзённасць, часовасць-сталасць у іх уплыве на ментальнасць і ўстаноўкі ў паводзінах чалавека; час у розных прасторах і сітуацыях; спынены час; час змененага свядомасці; час і жанр/наратыў.

Акрамя таго, для гасцей запланавана насычаная культурная праграма. 21 верасня ўдзельнікі навуковага мерапрыемствы пройдуць з агляднай экскурсіяй па Гродна, наведаюць замкі Беларусі і праедуцца дарогамі Адама Міцкевіча, а 22 верасня адправяцца ў Беласток для ўдзелу ў другім этапе XVI Міжнароднай навуковай канферэнцыі «Узаемадзеянне літаратур у сусветным літаратурным працэсе. Праблемы тэарэтычнай і гістарычнай паэтыкі».