Персанальная выстава фотаздымкаў "Маналог з Сусветам" старшага выкладчыка кафедры журналістыкі факультэта гісторыі, камунікацыі і турызму Гродзенскага дзяржаўнага ўніверсітэта імя Янкі Купалы Сяргея Паўлавіча Марозава адкрыецца ў Мінскай нотна-музычнай бібліятэцы. Гэта ўжо пятая ў гэтым годзе экспазіцыя работ гродзенскага фотамастака.Над серыяй фота "Маналог з Сусветам" Сяргей Паўлавіч, член народнага фотаклуба "Гродна", член Беларускага грамадскага аб'яднання "Фотамастацтва", пераможца рэспубліканскіх і міжнародных фотаконкурсаў, пачаў працаваць летам 2015 года, калі захапіўся астрафатаграфіяй. Першая выстава фота адбылася ў мінулым годзе ў купалаўскім універсітэце і атрымала шмат станоўчых водгукаў. У цяперашні час фатограф працягвае працу над гэтай серыяй.
– Ці часта вы глядзіце ў неба? А ў начное неба? Вы калі-небудзь з'язджалі далей ад гарадскіх агнёў, каб атрымаць асалоду ад усеяным зоркамі небасхілам? Фотаздымак начнога неба - працяглы працэс. Ёсць час на роздум пра маментальнае і вечнае. Толькі вы і сусвет ... - разважае аўтар выставы.
Усю серыю здымкаў можна паглядзець па спасылцы.
З усімі навінамі факультэта гісторыі, камунікацыі і турызму можна азнаёміцца тут.
