Мерапрыемства аб'яднала супрацоўнікаў ВНУ-партнёраў з Беларусі, Літвы, Польшчы і Украіны. Нашу краіну прадставіла дэлегацыя Гродзенскага дзяржаўнага ўніверсітэта імя Янкі Купалы, у склад якой увайшоў намеснік дэкана юрыдычнага факультэта Рыгор Міхайлавіч Траццякоў, загадчык кафедры працоўнага і сацыяльнага права Ганна Генрыхаўна Аўдзей, дацэнт кафедры грамадзянскага права і працэсу Авак Міхайлавіч Вартанян, студэнткі 5 курса спецыяльнасці «Правазнаўства» Эдзіта Перажок і Анастасія Атаповіч.
У рамках мерапрыемства ўдзельнікі пазнаёміліся з гісторыяй і дасягненнямі Харкаўскага нацыянальнага ўніверсітэта імя В.М. Каразіна, з экскурсіяй прайшліся па Харкаву, наведалі Гаспадарчы суд Харкаўскай вобласці і Харкаўскі апеляцыйны гаспадарчы суд, дзе пабывалі ў залах судовых пасяджэнняў, кабінетах суддзяў і работнікаў апарату.
У канцы летняй школы прадстаўнікі ВНУ-партнёраў атрымалі сертыфікаты і адзначылі, што плануюць працягнуць далейшае супрацоўніцтва.
З усімі навінамі юрыдычнага факультэта можна азнаёміцца тут.