У Гомельскім дзяржаўным універсітэце імя Францыска Скарыны адбылася V Міжнародная алімпіяда па асновах псіхалогіі і педагогіцы «Асоба і інавацыі», у якой прыняла ўдзел 21 каманда з розных універсітэтаў Беларусі і Расіі.Каманда факультэта псіхалогіі ГрДУ імя Янкі Купалы "Інсайт" пад кіраўніцтвам намесніка дэкана па вучэбнай працы, кандыдата псіхалагічных навук Семчук Л.А. заняла 3 месца па выніках алімпіяды, а таксама стала пераможцай у дзвюх намінацыях: «Інавацыйная ідэя» і «Культурная спадчына».
Змаганне было накіравана на стварэнне ўмоў творчай самарэалізацыі студэнтаў, развіццё навыкаў вырашэння праблемных псіхалагічных сітуацый і фарміраванне прафесійных кампетэнцый ў моладзі.
