Семінар прайшоў у вучэбна-навукова-вытворчай лабараторыі інавацыйных педагагічных тэхналогій. Мерапрыемства з'яўляецца часткай цыкла семінараў, якія праводзяцца з мэтай укаранення мабільных тэхналогій у працэс навучання ва ўніверсітэце. У працы семінара прынялі ўдзел 25 выкладчыкаў ГрДУ імя Янкі Купалы.

    Практычныя заняткі правялі дацэнт кафедры сучасных тэхналогій праграмавання Ніна Пятроўна Макарава і супрацоўнік вучэбнай лабараторыі распрацоўкі Інтэрнэт- і мабільных сістэм Яўгеній Яўгеньевіч Марозаў. Прысутныя навучыліся карыстацца праграмным забеспячэннем мабільных прылад 2 у 1, якія сумяшчаюць функцыі ноўтбука і планшэта. Прылады былі перададзеныя ў дар універсітэту кампаніяй «Саміт Тэкноладжыз» сумесна з карпарацыяй Intel®.

    Удзельнікі навучальнага семінара пазнаёміліся з сістэмай кіравання класам Classroom Management, яе магчымасцямі ў модулі настаўнікі і модулі студэнта: устаноўка сувязі з мабільнымі прыладамі студэнтаў, перадача файла з наступным выкананнем задання, уключэнне чата, адпраўка паведамлення ў чат, прыём выкананых работ на прыладу настаўніка, дэманстрацыя матэрыялу, маніторынг і кантроль актыўнасці студэнтаў, правядзенне бліц-апытання, абмен імгненнымі паведамленнямі і іншымі функцыямі праграмы. Пры выкананні заданняў удзельнікі замацавалі навыкі працы з графічным рэдактарам ArtRage Studio Part of Intel Education, праграмамі Foxit Reader Part of Intel Education для працы з электроннымі кнігамі і Intel Education Lab Camera by Intellisense для правядзення эксперыментаў з ужываннем вэб-камеры. Прысутныя высока ацанілі магчымасці прылад і лічаць неабходным далейшае асваенне і выкарыстанне мабільных тэхналогій у навучальным працэсе.