11 чэрвеня каля Мемарыяльнага комплексу воінам-памежнікам адбудзецца ўрачыстае прыняцце прысягі салдатамі памежнай службы, а салдаты тэрміновай службы прымуць прысягу каля Кургана славы. У мерапрыемствах будуць удзельнічаць прадстаўнікі ваеннага факультэта ГрДУ імя Янкі Купалы.На прыняцці прысягі салдатамі памежнай службы будуць прысутнічаць старшыня Дзяржаўнага пагранічнага камітэта Рэспублікі Беларусь, генерал-палкоўнік Леанід Сямёнавіч Мальцаў, губернатар Гродзенскай вобласці Уладзімір Васільевіч Краўцоў і мэр горада Гродна Мечыслаў Браніслававіч Гой. 15 курсантаў ваеннага факультэта ГрДУ імя Янкі Купалы будуць удзельнічаць ва ўрачыстым парадзе войскаў.
Прыняцце прысягі салдатамі тэрміновай службы, якое пройдзе ля падножжа Кургана славы, наведаюць намеснік старшыні Гродзенскага абласнога выканаўчага камітэта Віктар Андрэевіч Лісковіч і старшыня Гродзенскага гарадскога Савета дэпутатаў, генерал-маёр у запасе Анатолій Аляксеевіч Нікіцін. На ўрачыстым мерапрыемстве выступіць Узвод Ганаровай варты ваеннага факультэта ГрДУ імя Янкі Купалы.
З усімі навінамі ваеннага факультэта можна азнаёміцца тут.