Праект “Марафон здароўя”, створаны па ініцыятыве Каардынацыйнага студэнцкага савета ўніверсітэта рэалізуецца ў перыяд з 2016 па 2020 года і накіраваны на развіццё ў студэнцкай моладзі ўстойлівых матывацыйна-каштоўнасных арыентацый па прасоўванні ідэй здаровага ладу жыцця і аховы здароўя як рэсурсу жыццёвага дабрабыту і паспяховасці. Удзельнікамі Праекта з'яўляюцца: студэнты, магістранты і аспіранты ўніверсітэта, работнікі ўніверсітэта і запрошаныя спецыялісты.

“Марафон здароўя” ўключае ў сябе разнастайную і рознабаковую праграму мерапрыемстваў, - гэта спартовыя спаборніцтвы і спартландыі, турыстычныя паходы і велапрабегі, трэнінгі і майстар класы, дабрачынныя акцыі, канцэрты і флэш-мобы. Студэнты 15 факультэтаў нашага ўніверсітэта кожны месяц запрашаюць сваіх таварышаў да ўдзелу.

Кіраўнік праекта - начальнік спартыўнага клуба Акуліч Кірыл Іванавіч, тел.75-34-50. 

Агульную каардынацыю праекта ажыццяўляе Астроўская Іна Вячаславаўна, начальнік аддзела падтрымкі і рэалізацыі маладзёжных праектаў і ініцыятыў УВРсМ, тэл. 73-19-87. 

Палажэнне аб праекце "Марафон здароўя" 

У рамках рэалізацыі ўніверсітэцкіх праектаў "Марафон здароўя" і прафілактыкі тытунекурэння на юрыдычным факультэце Гродзенскага дзяржаўнага ўніверсітэта імя Янкі Купалы 15 лістапада была праведзена спартыўная эстафета «Здаровым быць модна». У эстафеце прынялі ўдзел 5 каманда: "МП-182", "ГД-181", "ГД-161", "Зборная інтэрнатаў", "Зборная замежных студэнтаў".

У склад членаў журы ўвайшлі: Маісеева Ірына Анатольеўна (нам. Дэкана юрыдычнага факультэта), Кудзель Аляксандр Аляксандравіч (старэйшы выкладчык кафедры фізічнага выхавання і спорту), Аборын Аляксей Андрэевіч (старшыня прафбюро студэнтаў юрыдычнага факультэта), Філон Наталля Станіславаўна (сакратар ПА ТАА "БРСМ "факультэта), Мішчук Валерыя Сяргееўна (намеснік старшыні прафбюро студэнтаў юрыдычнага факультэта), Адамовіч Ксенія Леанідаўна (выхавальнік інтэрната №2), Варнель Уладзіслаў Вітольдавіч (выкладчык кафедры фізічнага выхавання і спорту). Студэнты змаглі праявіць сябе ў розных конкурсах: "Перацягванне ліны", "Бег са скакалкай", "Кенгуру", "Эстафета з мячом", "Падвойны ланцуговы паравозік", "Абводка мячом", "Мяч у кальцо".

Па выніках конкурсу I месца заняла каманда "Зборная інтэрнатаў", II месца каманда "Зборная замежных студэнтаў", III месца каманда "МП-182", IV месца каманда "ГД-161", V месца каманда "ТД-181".

Падрабязнасці па спасылцы

У рамках праекта "Марафон здароўя" 16 лістапада 2018 года прайшла спартландыя паміж студэнтамі першага курса факультэта мастацтваў і дызайну, факультэта псіхалогіі і факультэта гісторыі, камунікацыі і турызму, прысвечаная Міжнароднаму дню студэнтаў (16 лістапада 2018).

13 верасня 2016 года стартаваў праект “Марафон здароўя”. З прывітальным словам выступілі прарэктар па выхаваўчай працы Васіль Васільевіч Сянько і старшыня Каардынацыйнага студэнцкага савета Яна Мілюк. Найбольш актыўныя студэнты, выкладчыкі і работнікі ўніверсітэта прынялі ўдзел у спартыўных спаборніцтвах па чатырох відах спорту. Удзельнікі беглі эстафету, уздымалі гіру, паказвалі майстэрства ў фігурным ваджэнні ровара і гулялі ў міні-футбол.

 Лепшымі ў змяшанай лёгкаатлетычнай эстафеце 4х400 м сталі студэнты 3 курса факультэта фізічнай культуры Аляксандра Хільмановіч, Аляксей Сянько, Андрэй Лабовіч і Ян Слома. Другое і трэцяе месца таксама атрымалі студэнты факультэта фізічнай культуры, а чцвёртымі сталі прадстаўнікі юрыдычнага факультэта.

Спаборніцтвы па гіравым спорце праводзіліся ў трох вагавых катэгорыях. Пераможцамі былі прызнаныя курсант 1 курса ваеннага факультэта Андрэй Юшчанка (вагавая катэгорыя 75 кг), студэнт 1 курса факультэта фізічнай культуры Захар Дзмітрычэнка (да 90 кг) і студэнт 2 курса факультэта фізічнай культуры Артур Вяко (звыш 90 кг).

У спаборніцтвах па ровараарыентаванні лепшыя былі вызначаныя як сярод юнакоў, так і сярод дзяўчат. Імі сталі выпускнік ваеннага факультэта Дзмітрый Тарасаў і студэнтка 3 курса факультэта фізічнай культуры Віялета Чуйкова. Гульня па міні-футболе сабрала тры каманды. Лепшай у спаборніцтвах была прызнаная каманда студэнтаў нашай ВНУ «Студэнцкі спортклуб». Другое месца заняла каманда «Выкладчыкі ГрДУ», а трэцяе - «Ластаўкі ГрДУ», якая складаецца са студэнтак універсітэта. Завяршыліся спаборніцтвы ўзнагароджаннем пераможцаў і прызёраў.

Марафон здароўя на факультэце біялогіі і экалогіі

У рамках Дзён факультэта былі праведзены мерапрыемствы, уключаныя ў праграму рэалізацыі праекту "Марафон здароўя". 23 красавіка сярод студэнтаў праведзены трэнінг «Азбука здароўя». У мерапрыемстве ўзялі ўдзел 30 студэнтаў.

Экскурсія "Здаровае харчаванне - аснова працвітання". 25 красавіка студэнты 4 курса наведалі сталовую сш № 28, дзе пазнаёміліся з асаблівасцямі арганізацыі школьнага харчавання і паслухалі лекцыю аб асновах здаровага харчавання дзяцей.

26 красавіка з удзелам членаў экалагічнага руху «GreenSun» для навучэнцаў гімназіі № 6 г. Гродна быў праведзены занятак "Выкарыстанне другасных рэсурсаў". У мерапрыемстве ўзялі ўдзел 20 вучняў і 5 студэнтаў.

28 красавіка студэнты факультэта гісторыі, камунікацыі і турызму прынялі прынялі ўдзел у турыстычным злёце, які праходзіў у рамках марафону «Разам - за моцную і квітнеючую Беларусь!» у якасці арганізатараў і судзейскай калегіі.

Першынства ФГКіТ па лёгкай атлетыцы завяршылася. Павіншуем пераможцаў!

11 мая на стадыёне па вуліцы Захарава, 32 прайшло першынство факультэта гісторыі, камунікацыі і турызму па лёгкай атлетыцы і рэшта нарматываў ГФОК. У першынстве прыняць удзел мог кожны жадаючы.

У гэтым годзе быЎ заяўлены 71 удзельнік і прыйшло прыкладна столькі ж гледачоў. У спаборніцтвах прынялі ўдзел зборныя навучэнцаў: спецыяльнасці «ЛОМК» - 23 удзельнікі; спецыяльнасці "Турызм і гасціннасць" - 19 удзельнікаў; спецыяльнасцяў «Інфаком» і «Журналістыка» - 18 удзельнікаў; спецыяльнасці «Гісторыя» - 11 удзельнікаў.

Арганізавала спаборніцтвы кафедра фізвыхавання і спорту.

Галоўны суддзя спаборніцтваў Болахаў А.В., старэйшыя суддзі на відах: Лісоўскі С.Т., Храмава Т.А., Іваноў В.А., Кулеш С.Ф., Шарко І.Э.

Спаборніцтвы праходзілі па 10 відах лёгкаатлетычнай праграмы і 14 відах здачы нарматываў ГФОК. Усе прызёры атрымалі салодкія прызы ад дэкана факультэта Піваварчык Т.А. Фотакарэспандэнты з ліку студэнтаў Карпач Арцём, Казлова Юлія і Жамойда Алег.

Вынікі спаборніцтваў:

Бег на 100 м (дзяўчыны): 1. Сянько Анастасія 2. Басько Алеся 3. Заяц Ілона

Бег на 100 м (хлопцы): Лукашэвіч Эрнэст, Аляхновіч Аляксей, Хайытджумаеў Бабахан 

Бег на 400 м (дзяўчыны): 1. Заяц Ілона 2. Чубарава Ірына 3. Лазарчык Алеся

Бег на 800 м (хлопцы) Лабар Аляксей, Філліпоўскі

Скачкі ў даўжыню (дзяўчыны):

Басько Алеся, Кісялёва Кацярына, Лішык Дыяна

Скачкі ў даўжыню (хлопцы): Хайытджумаеў Бабахан, Аніскевіч Аляксей, Дзюба Павел

Скачкі ў вышыню (дзяўчыны): Караткевіч Аляксандра, Сянько Анастасія, Драгалава Паліна

Скачкі ў вышыню (хлопцы): Філліпоўскі Вадзім, Насір Тэймур, Лабар Аляксей

Эстафета «4 па 100»: «Турызм і гасціннасць», «Инфоком і журналісты», «ломкі»

27 сакавіка праходзіў першы этап Кубка ВНУ г. Гродна па спартыўным арыентаванні, на якім каманда ГрДУ ім. Янкі Купалы заняла ПЕРШАЕ МЕСЦА !!!!

УДЗЯЧНАСЦЬ АБ'ўляецца студэнтам нашага факультэта за вялікі ўклад у перамогу !!!

Такім чынам, нашы героі:

1. Макарава Вольга

2. Усманава Марыя

3. Чуйкова Віялета

4. Саковіч Кірыл

5. Пуцко Аляксей

6. Мандзік Уладзіслаў

1 снежня 2017 года 

1 снежня - Сусветны дзень барацьбы са СНІДам. У гэты дзень на факультэце гісторыі, камунікацыі і турызму в.а. намесніка дэкана па выхаваўчай працы Авецян Нарынэ Сумбатаўна, сумесна са студэнтамі 3 курса спецыяльнасці "Сацыялогія" - Мазановіч Маргарытай і Панятоўскай Дыянай была арганізавана акцыя «Мы супраць СНІДу !!!». Студэнты сустракалі выкладчыкаў і студэнтаў факультэта, уручалі ім улёткі, заклікаючы прыняць удзел у акцыі. У інтарэсах будучага неабходна аддаваць прыярытэт больш эфектыўнай асвеце моладзі па пытаннях прафілактыкі ВІЧ-інфекцыі і захаванню сацыяльнай каштоўнасці сям'і, нараджэння здаровага пакалення.

28 лістапада 2017 года 

На факультэце фізічнай культуры ў рамках "Марафона здароўя" адбылася матчавая сустрэча па баскетболе паміж камандамі выкладчыкаў і зборнай студэнцкага актыву розных курсаў. Ва ўпартай барацьбе выкладчыкі атрымалі прыгожую перамогу, чарговы раз давёўшы, што актыўнымі, рухомымі і здаровымі можна і трэба быць у любым узросце. Мерапрыемства падарыла ўдзельнікам мора пазітыўных эмоцый, а лепшыя з каманды студэнтаў атрымалі каштоўныя прызы ад прадстаўнікоў студэнцкага прафкама.

22-23 лістапада 2017 года 

На юрыдычным факультэце прайшла спартыўная эстафета «Здаровым быць модна», прымеркаваная да Міжнароднага дня адмовы ад курэння, у якой прынялі ўдзел 11 каманд.

22 сакавіка 2017 года 

Шахматна-шашачны турнір «Белая ладдзя» прайшоў на факультэце матэматыкі і інфарматыкі.

26 красавіка 2017 года 

Турыстычны злёт прайшоў на факультэце эканомікі і кіравання.

20-21 красавіка 2017 года

На факультэце гісторыі, камунікацыі і турызму прайшоў «Дзень здароўя», у рамках якога адбыўся турнір па настольным тэнісе

13 красавіка 2017 года 

Фанетычны конкурс хуткамовак на тэму «Здароўя»

5 мая 2017 года 

На факультэце гісторыі, камунікацыі і турызму прайшло першынство па лёгкай атлетыцы. Арганізатарамі мерапрыемства выступілі дэканат факультэта гісторыі, камунікацыі і турызму і кафедра фізічнага выхавання і спорту