Выступаючы перад прысутнымі, намеснік старшыні Гродзенскага абласнога выканаўчага камітэта, дэпутат Палаты прадстаўнікоў Нацыянальнага сходу Рэспублікі Беларусь Віктар Андрэевіч Лісковіч адзначыў, што аварыя на Чарнобыльскай АЭС - гэта сапраўды трагедыя агульнасусветнага маштабу, да якой беларускі народ не застаўся абыякавым. «Шмат хто з перасяленцаў забруджаных тэрыторый абгрунтаваліся ў Гродзенскай вобласці: менавіта тут у канцы 1980-х гадоў ім прыйшлося будаваць новае жыццё», - падкрэсліў В.А. Лісковіч.
У сваю чаргу ўдзельнікі і ліквідатары аварыі падзякавалі кіраўніцтву вобласці за ўвагу, якую ім надаюць, і за дапамогу, якую аказвае мясцовая ўлада.
Варта адзначыць, што мітынг - толькі адно з мерапрыемстваў, прымеркаваных да падзеяў на Чарнобыльскай ЧАЭС, удзельнікамі якога сталі купалаўцы.
Так, на факультэце біялогіі і экалогіі пройдзе конкурс малюнкаў на асфальце «30 гадоў таму». На ваенным факультэце адбудуцца спартыўныя спаборніцтвы, а таксама будуць праведзены тэматычныя гутаркі. На факультэце гісторыі, камунікацыі і турызму падчас куратарскіх гадзін студэнты абмяркуюць экалагічныя наступствы маштабнай аварыі, а ў інтэрнаце № 5 ГрДУ імя Янкі Купалы ў рамках гутаркі «Балючая памяць Беларусі» купалаўцы ўбачаць некалькі дакументальных фільмаў і пачуюць апавяданні відавочцаў.