У пасяджэнні прынялі ўдзел старшыня прафкама студэнтаў Гродзенскага дзяржаўнага ўніверсітэта імя Янкі Купалы Яўгеній Міхаловіч. Разам з калегамі ён падзяліўся ўласным досведам працы з моладдзю, абмеркаваў умовы для развіцця і рэалізацыі патэнцыялу маладых людзей.

Аб Моладзевым Савеце, яго функцыях, дзейнасці і планах распавёў старшыня Моладзевага Савета Федэрацыі прафсаюзаў Беларусі, начальнік упраўлення па распрацоўцы і рэалізацыі спецпраектаў Арцём Сяргеевіч Ігнаценка. «Мы хочам разглядзець самых таленавітых, ініцыятыўных і крэатыўных маладых людзей, а галоўнае, дапамагчы ім рэалізаваць свае ідэі на практыцы. Да прыкладу, у бліжэйшы час пад сцягам Федэрацыі прафсаюзаў у беларускай сталіцы стартуе буйны моладзевы форум «ТЭМП-2016». У рамках форуму юнакі і дзяўчаты з краін СНД і Еўропы змогуць падзяліцца ведамі і вопытам, зрабіць прэзентацыю сваіх праектаў, лепшыя з якіх будуць рэалізаваны», - адзначыў старшыня Моладзевага Савета ФПБ.

Акрамя гэтага, на Гродзеншчыне будуць ажыццёўлены два праекты, у якіх плануецца ўдзел купалаўцаў. У чэрвені стартуе конкурс «Маладзёжны прафсаюзны лідар», у рамках якога выберуць самых перспектыўных прафсаюзных актывістаў рэгіёну, а таксама абласны конкурс прафесійнага майстэрства сярод моладзі.

Прадстаўнікі прафсаюзаў адзначылі, што гэтыя аб'яднанні заўсёды надаюць вялікую ўвагу моладзі, абароне яе сацыяльна-эканамічных і працоўных правоў і інтарэсаў.