Адкрыла канферэнцыю і павітала гасцей намеснік дэкана па навуковай працы факультэта псіхалогіі нашай ВНУ Ганна Віктараўна Ракіцкая.
На пленарным пасяджэнні ўдзельнікі пазнаёміліся з вынікамі эмпірычных даследаванняў аспіранта нашага ўніверсітэта Васілія Кадзевіча, студэнтак факультэта псіхалогіі Ганны Шчыткоўскай і Аляксандры Адаська, а таксама студэнта ГрМУ Расціслава Мельнікава.
На секцыях студэнты гаварылі пра актуальныя праблемы сучаснага грамадства: абмяркоўвалі гатоўнасць жанчын да мацярынства, фактары, якія перашкаджаюць зараджэнню і рэалізацыі суіцыдальных намераў, каштоўнасныя арыентацыі падлеткаў, гульнявую камп'ютарную залежнасць, эфектыўнасць вучэбнай дзейнасці, вобраз настаўніка ў дзяцей малодшага школьнага ўзросту. У працэсе дыскусіі, якая адбылася пасля прадстаўлення дакладаў, удзельнікі змаглі задаць адзін аднаму пытанні і абмяняцца ўражаннямі аб даследаваннях.
У рамках канферэнцыі выкладчык эксперыментальнай і прыкладной псіхалогіі Сяргей Аляксандравіч Іваноў правёў майстар-клас «Апрацоўка дадзеных псіхалагічнага даследавання сродкамі пакета SPSS», падчас якога пазнаёміў удзельнікаў з магчымасцямі працы ў праграме SPSS пры апрацоўцы дадзеных ўласных эмпірычных даследаванняў.
Удзельнікі канферэнцыі адзначылі актуальнасць прадстаўленых дакладаў, высокую практыка-арыентаваную накіраванасць майстар-класа, а таксама добразычлівую атмасферу і высокі ўзровень арганізацыі навуковага мерапрыемства.
З усімі навінамі факультэта псіхалогіі можна азнаёміцца тут.