Адкрыў сустрэчу дацэнт кафедры філасофіі педагагічнага факультэта Алег Аляксандравіч Раманаў, адзначыўшы, што Саюзная дзяржава з'яўляецца рэальным увасабленнем ідэі інтэграцыі двух славянскіх народаў. У ходзе выступлення дакладчык назваў першапрычыны аб'яднання і распавёў пра ўзаемаадносіны дзвюх краін на сучасным этапе.

           «У 90-я гады мінулага стагоддзя, у перыяд разлучэння і адасаблення дзяржаў, Расія і Беларусь зрабілі спробу кансалідацыі. І яна апынулася ўдалай. У гэтым годзе мы адзначаем 20-годдзе з дня стварэння Саюзнай дзяржавы. Больш за тое, у цяперашні час з намі хочуць інтэгравацца і іншыя постсавецкія краіны - Кыргызстан, Казахстан, Туркменістан. А гэта пацвярджае поспех нашага аб'яднання. Можна смела сказаць, што 2 красавіка - гэта адна з дат, якая мае лёсавызначальнае значэнне для двух народаў у палітычным і культурным плане», - завяршыў свой выступ Алег Аляксандравіч.

Прадоўжыўся семінар актыўнай дыскусіяй удзельнікаў - студэнтаў, магістрантаў, аспірантаў і выкладчыкаў універсітэта.

Затым семінар прайшоў у традыцыйным фармаце. Метадыст аддзела інфармацыйна-аналітычнага і метадычнага забеспячэння ідэалагічнай і выхаваўчай працы УВРзМ Дзмітрый Антонавіч Цішко прадставіў філасофскае бачанне пытання штучнага інтэлекту. У сваю чаргу садакладчык-апанент - доктар фізіка-матэматычных навук, прафесар кафедры тэарэтычнай фізікі Валерый Аляксандравіч Ліопа адзначыў асноўныя праблемы кампутарызацыі жыцця чалавека.