У гэтым годзе на дзелавым форуме Invest Weekend журы вызначыла восем пераможцаў.

У намінацыі «Лепшая каманда / аўтар» пераможцам была прызнана каманда студэнтаў 2 курса факультэта гісторыі, камунікацыі і турызму Кацярыны Маркевіч, Веранікі Кандрацюк і Кацярыны Барташэвіч. Дзяўчаты прапанавалі экспертам тры праекты. Першы - «Ecohouse» заключаецца ў стварэнні і распаўсюдзе кантэйнераў для перапрацоўкі біялагічных адходаў у хатніх умовах. Другі - «Рэв'юз-клік» накіраваны на распрацоўку дадатку або сайта з водгукамі і каментарамі аб гарадзенскіх кафэ, рэстаранах, кінатэатрах, тэатрах і іншых культурна-забаўляльных установах горада. Трэці - «Hospitality-network» прадугледжвае стварэнне прыкладання, з дапамогай якога карыстальніку ў рэжыме афлайн прапануецца выбраць месца ў любым горадзе свету, дзе ён можа спыніцца на некалькі дзён. Акрамя таго, аўтары прапанавалі ўлічваць рэйтынг карыстальнікаў, а таксама дадаць у дадатак карту і спіс культурна-забаўляльных устаноў.

Другое месца ў гэтай намінацыі ў заснавальнікаў праекта Luckbox - Цімафея Цебра і студэнта 3 курса факультэта матэматыкі і інфарматыкі Аляксандра Міцько. Хлопцы прапанавалі прасоўваць сайт, з дапамогай якога карыстальнікі змогуць заказваць падарункі-сюрпрызы: ідэя складаецца ў тым, што заказчыкі да апошняга моманту (пакуль не прыйдзе пасылка) не ведаюць, што чакае іх ўнутры скрынкі. Сістэма сама выбірае падарунак, зыходзячы з пераваг указаных у анкеце. Інтэрнэт-сэрвіс ужо працуе. Аўтары лічаць, што ў хуткім часе ён здабудзе папулярнасць.

Трэцяе месца занялі студэнтка 4 курса фізіка-тэхнічнага факультэта Анастасія Букіна і студэнтка 3 курса факультэта матэматыкі і інфарматыкі Дар'я Чартко з ідэяй па стварэнні ў Гродне Трэнінг-цэнтра.

У намінацыі «Лепшая бізнэс-ідэя» перамога дасталася студэнту 4 курса факультэта інавацыйных тэхналогій машынабудавання Дзмітрыю Слесару, які прапанаваў інавацыйны праект па вытворчасці металапалімерных ролікаў, якія могуць быць задзейнічаныя на салігорскіх шахтах. Аўтар адзначыў, што яго вынаходства ўжо тэстуюцца на некалькіх буйных беларускіх прадпрыемствах.

Другое месца ў гродзенцаў Андрэя Абрамчыка і Мікіты Антонавіча. Хлопцы прапанавалі стартап Mark Twain па вытворчасці апраў для ачкоў з натуральнага дрэва.

Трэцяй у гэтай намінацыі месца апынулася студэнтка 2 курса факультэта гісторыі, камунікацыі і турызму Марына Капачэль з праектам «Яблыкі ў карамелі». Яго ідэя заключаецца ў продажы невялікіх яблыкаў у карамелі на палачцы.

У намінацыі «Лепшая ідэя для нашага горада» эксперты не вызначылі пераможца. Другое месца журы прысудзіла пастаяннаму ўдзельніку гродзенскіх Invest Weekend Антону Кірэйчуку, які прапанаваў арганізаваць бізнес-навучанне на базе адной са школ горада. Трэцяе месца прысудзілі мабільным дадаткам для турыстаў «Travelia: Турыстычны Гродна».

Акрамя таго, эксперты адзначылі распрацоўку студэнтаў 3 курса факультэта матэматыкі і інфарматыкі Андрэя Галіцына і Арцёма Каляга. Хлопцы прадставілі мабільнае прыкладанне, якое збірае ўсе навіны і паведамленні з розных сацыяльных сетак. Купалаўцы падкрэслілі, што на стварэнне праекта іх натхніла папулярнае прыкладанне MSQRD, створанае іх калегам - выпускніком факультэта Яўгеніем Неўгень.

У рамках мерапрыемства для ўдзельнікаў былі арганізаваны майстар-класы, якія правялі кіраўнік кампаніі «Стартап тэхналогіі» Аляксей Шаблоўскі і дырэктар IT-кампаніі «ГродноИн» Іван Клімко.

Варта адзначыць, што юбілейны дзясяты Invest Weekend плануецца правесці ў лістападзе 2016 года.

Даведка

Invest Weekend – гэта дзелавы форум, накіраваны на развіццё бізнес-ідэй. Прыняць удзел у мерапрыемстве можа кожны жадаючы: ад студэнтаў, якія мараць заснаваць уласны бізнэс, да дырэктараў паспяховых кампаній. Удзельнікі прадстаўляюць праекты патэнцыйным інвестарам, партнёрам і спонсарам і атрымліваюць экспертныя ацэнкі сваіх бізнэс-ідэй.