На канцэртнай пляцоўцы купалаўскай ВНУ сабраліся лепшыя студэнцкія танцавальныя калектывы ўніверсітэта і харэаграфічныя групы горада Гродна.
Ацэньвала майстэрства танцораў кампетэнтнае журы. У яго склад увайшлі кіраўнік групы сучаснай харэаграфіі «ТАД», выкладчык Гродзенскага дзяржаўнага каледжа мастацтваў Дзмітрый Куракулаў, танцор, кіраўнік ўласнай студыі танца Яўгеній Якуш, арт-дырэктар клуба «MOVIE 60» Вазген Карапецян, кіраўнік танцавальнага калектыву «Try Z», пераможца шматлікіх конкурсаў і фестываляў Андрэй Сабалеўскі, харэограф, балетмайстар тэатра моды «Уні-АРТ» ГрДУ імя Янкі Купалы Таццяна Штэрмер і арганізатар конкурсу - педагог-арганізатар сектара ідэалагічнай і выхаваўчай працы студэнцкага гарадка нашай ВНУ Валерый Ляховіч.
Па выніках фестывалю-конкурсу былі вызначаны пераможцы і прызёры ў некалькіх катэгорыях.
У намінацыі «Free show» перамогу атрымаў танцавальны калектыў факультэта матэматыкі і інфарматыкі «Like Move Crew» (мастацкі кіраўнік - Валянціна Цыдзік). Другое месца заняў калектыў факультэта эканомікі і кіравання «FEM» (мастацкі кіраўнік - Дар'я Арціменя), трэцяе - калектыў педагагічнага факультэта «DANCE MIX» (мастацкі кіраўнік - Аляксандра Калясень).
У намінацыі «Street show» пераможцам стаў калектыў сучаснай харэаграфіі «Адэпт» (мастацкі кіраўнік - Наталля Марасова, пастаноўшчык - Таццяна Трасько). Другое месца ў шоў-групы сучаснага танца «Дартли» (мастацкі кіраўнік - Кацярына Шыкеля), трэцяе - у танцавальнага калектыву факультэта матэматыкі і інфарматыкі «Like Move Crew» (мастацкі кіраўнік - Валянціна Цыдзік).
У намінацыі «Чэрлідынг» лепшай стала шоў-група сучаснага танца «Дартли».
У намінацыі «Dance show» перамогу атрымаў танцавальны дуэт калектыву «Like» факультэта матэматыкі і інфарматыкі.
Гран-пры конкурсу аднагалосным рашэннем журы прысудзіла калектыву сучаснай харэаграфіі горада Гродна «Mad caps crew» (мастацкі кіраўнік - Юры Пуйдак).
Спецыяльны прыз журы за вернасць традыцыям народнага танцавальнага мастацтва ўручылі народнаму тэатру танца «Alma Dea» Гродзенскага дзяржаўнага медыцынскага ўніверсітэта (мастацкі кіраўнік - Наталля Генадзьеўна Ваяводская).
Арганізатарамі агульнаўніверсітэцкага фестывалю-конкурсу выступілі аддзел культурна-масавай і дасугавай дзейнасці ўпраўлення выхаваўчай работы з моладдзю ГрДУ імя Янкі Купалы.