Падчас прывітання старшыня ТНП Гродзенскай вобласці Людміла Орсік уручыла гісторыку кнігу “Натарыят Беларусі: ад вытокаў да сучаснасці”, прысвечаную гісторыі станаўлення натарыята на беларускіх землях у розныя гістарычныя перыяды часу.

Для калектыву апарата ТНП Гродзенскай вобласці, натарыяльнага архіва і прадстаўнікоў Савета маладых натарыусаў БНП ад Гродзенскай натарыяльнай акругі Аляксандр Горны выступіў з лекцыяй, прысвечанай знакамітай стратэгічнай наступальнай аперацыі "Баграціён", дзякуючы якой тэрыторыя Беларусі была поўнасцю вызвалена ад нямецкай акупацыі.

Па словах купалаўца, аперацыя «Баграціён» была самай маштабнай у гісторыі. У ёй было задзейнічана больш за адзін мільён чалавек, а распрацоўвалася і каардынавалася яна таленавітымі савецкімі военачальнікамі, сярод якіх быў у тым ліку ўраджэнец Гродна, генерал арміі Аляксей Інакенцьевіч Антонаў. Гісторык расказаў аб этапах аперацыі, падрабязна спыніўшыся на вызваленні Гродзеншчыны.

Характэрна, што будынак Гродзенскай абласной натарыяльнай палаты знаходзіцца ў знакавым месцы: менавіта адсюль пачалося вызваленне тэрыторыі Гродна падчас аперацыі "Баграціён". Як адзначыў Аляксандр Горны, на тэрыторыі горада вяліся разлютаваныя баі. Завяршылася аперацыя "Баграціён" у жніўні 1944 года ў Варшавы. Яе вынікам стала поўнае вызваленне тэрыторыі Беларусі ад нямецка-фашысцкіх захопнікаў.

Падводзячы вынік, Аляксандр Горны звярнуў увагу ўдзельнікаў мерапрыемства на важнасць захавання памяці аб гераізме нашых продкаў і людзях, якія ахвяравалі сваімі жыццямі ў імя міру і нашай свабоды.

.