Каманда студэнтаў ГрДУ імя Янкі Купалы - студэнты факультэта матэматыкі і інфарматыкі 2 курса Юлія Хваль, Дар'я Ярмак; студэнты філалагічнага факультэта 2 курса Марыя Краснюк, Максім Галышак і студэнт факультэта эканомікі і кіравання 2 курса Эміль Бабаеў - заваявала другое месца ў конкурсе відэаролікаў, які праходзіў у рамках алімпіяды. Таксама ГрДУ імя Янкі Купалы прадставілі студэнт 2 курса юрыдычнага факультэта Дзямід Орда і студэнты факультэта матэматыкі і інфарматыкі Крысціна Гардзей, Анастасія Грабун, Аляксандра Васілевіч.

Па агульных выніках алімпіяды студэнты Купалаўскага ўніверсітэта занялі прызавое трэцяе месца. Кіраўнік каманд - дацэнт кафедры філасофіі Аляксандра Дубравіна.

Усяго ў алімпіядзе прынялі ўдзел восем каманд з універсітэтаў Беларусі і Расіі: Гродзенскага дзяржаўнага ўніверсітэта імя Янкі Купалы, Беларускага дзяржаўнага ўніверсітэта, Гродзенскага медыцынскага ўніверсітэта; Сібірскага Федэральнага ўніверсітэта, Паўднёва-Заходняга Дзяржаўнага Універсітэта, Санкт-Пецярбургскага горнага ўніверсітэта імператрыцы Кацярыны II, Пецярбургскай дзяржаўнай кансерваторыі імя Н.А. Рымскага-Корсакава.

Арганізатарамі выступілі кафедра філасофіі педагагічнага факультэта ГрДУ імя Янкі Купалы, а таксама Россупрацоўніцтва, РГА «Белая Русь». Старшыня журы алімпіяды кіраўнік Россупрацоўніцтва Юрый Макушын адзначыў значнасць студэнцкага філасофскага дыялога для развіцця адносін Расіі і Беларусі, умацавання навуковага, адукацыйнага і культурнага патэнцыялу дзвюх краін.