18 красавіка ў актавай зале Купалаўскага ўніверсітэта панавала атмасфера свята, у гэты дзень дзясяткі людзей прыйшлі павіншаваць з юбілеем аднаго з самых выдатных выкладчыкаў і трэнераў – прафесара кафедры спартыўных гульняў ГрДУ імя Янкі Купалы Вячаслава Максімовіча.Вячаслаў Аляксандравіч Максімавіч стаў сапраўдным сімвалам высокай спартыўнай культуры і прафесіяналізму не толькі ва ўніверсітэце, але і ва ўсёй краіне. Прафесар з'яўляецца не толькі майстрам спорту СССР па класічнай барацьбе, але і заслужаным трэнерам Савецкага Саюза і Беларусі, яго дасягненні і вопыт захапляюць і натхняюць многіх.
Сабраўшыся разам, студэнты, выкладчыкі і калегі з нецярпеннем чакалі пачатку мерапрыемства, каб выказаць сваю ўдзячнасць і павіншаваць юбіляра.
Цырымонія адкрыцця пачалася з урачыстых слоў рэктара ўніверсітэта Ірыны Кітурка, якая падкрэсліла значнасць і ўклад Вячаслава Аляксандравіча ў развіццё спартыўнай навукі і культуры ва ўніверсітэце.
Затым было ўзнагароджанне і ўручэнне ганаровых грамат, медалёў і падарункаў. Словы падзякі і захаплення гучалі з вуснаў калег, вучняў і сяброў, яны адзначылі як прафесійныя дасягненні Вячаслава Максімовіча, так і яго чалавечыя якасці - дабрыню, спагадлівасць і адданасць справе.
